О рабы Аллаха! Из великих и значимых деяний, которые приближают нас к Аллаху (пречист Он и возвышен) – такое деяние, как резание животного (забх) ради Аллаха (пречист Он и возвышен). Чтобы вы поняли, насколько значительно это деяние, я спрошу вас: «Какое из деяний телесных самое великое?» Это намаз (салят). Так вот, Аллах (пречист Он и возвышен) упоминает резание вместе с намазом и говорит:
فَصَلِّ لِرَبِّكَ وَانْحَرْ
«Помолись, соверши намаз ради твоего Господа и зарежь (жертвенное животное)».
Коран, сура «Изобилие», 108:2.
Резание бывает разным: резание бывает акика, резание бывает в Хадже, когда режет человек хадий.
Но вот из видов резания – какое самое важное? Это то, что предстоит нам с вами, с позволения Аллаха (пречист Он и возвышен), это аль-удхия. Это то жертвенное животное, которое режется в дни праздника ‘Ид аль-Адха (Курбан байрам).
И награда за это велика, поверьте!
Что нам доказывает, что награда велика? А то, что Пророк (да благословит его Аллах и приветствует) всегда резал курбан. Как передает Анас (да будет доволен им Аллах), Пророк (да благословит его Аллах и приветствует) резал двух баранов, белого цвета с рогами.
«Обязательно или необязательно резать курбан?» — спрашивают многие люди. СубханаЛлах! О раб Аллаха, награда велика, побуждение велико, и Пророк (да благословит его Аллах и приветствует) делал это.
Если же ты хочешь допытаться, ваджиб это или не ваджиб, то я скажу тебе да, что есть разногласия среди ученых по этому поводу. Некоторые говорят, что ваджиб (обязательно). Некоторые говорят, что очень желательно.
То есть, само наличие этого разногласия, раб Аллаха, разве тебе не дает понять, насколько важным является это поклонение? А группа ученых (и это мнение, с позволения Аллаха (пречист Он и возвышен), – очень сильное мнение) – считают, что ваджиб. Если человек не режет жертвенное животное, имея возможность для этого, то на нем грех. Потому, как что сказано в хадисе, говорит Пророк (да благословит его Аллах и приветствует):
مَن كان له سَعَةٌ ولم يُضَحِّ ، فلا يَقْرَبَنَّ مُصَلَّانا
«У кого есть возможность зарезать жертвенное животное, но он не делает этого, пусть не приближается к нашим молельням (мечетям)». Хадис передали Ахмад (8273), Ибн Маджа (2123) и Альбани (6490).
Что режется в качестве курбана (удхия, жертвенного животного)?
Только скот (бахимат аль-ан‘ам). А что входит в скот? В скот входит верблюд, коровы (быки), мелкий рогатый скот (козы и овцы). К коровам также можно отнести буйволов, в некоторых странах они есть. Всё остальное в качестве курбана не приносится. Нельзя резать ни петухов, ни куриц, ни кроликов, ни каких-либо других животных. Только вот эти четыре вида, потому что Аллах (пречист Он и возвышен) говорит:
وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَى مَا رَزَقَهُم مِّن بَهِيمَةِ الْأَنْعَامِ
«И пусть поминают Аллаха в дни известные над тем, что наделил их Аллах из скота».
Коран, сура «Паломничество», 22:28.
А какого возраста должны быть эти животные, которые мы режем?
Установил Пророк (да благословит его Аллах и приветствует), что для верблюда, для коровы и для козы – это должен быть возраст, который называется «сани»; для овцы – это возраст, который называется «джаза‘а».
Сказал Пророк (да благословит его Аллах и приветствует):
لا تَذْبَحُوا إلَّا مُسِنَّةً، إلَّا أنْ يَعْسُرَ علَيْكُم، فَتَذْبَحُوا جَذَعَةً مِنَ الضَّأْنِ.
«Режьте только возраст «мусинна» (сани). Только если вам тяжело найти сани, тогда можете резать овцу (барана) возраста джаза‘а». Хадис передал Муслим (1963).
Что это такое?
Возраст джаза‘а барана – это шесть лунных месяцев. То есть баран должен быть шесть лунных месяцев и не меньше.
Что касается козы, то возраст ее «сани» – это когда ей исполнился один лунный год.
Что касается коровы – то это два лунных года.
Что касается верблюда – то это пять лунных лет.
О рабы Аллаха, знайте, что награда за курбан зависит от того, насколько полноценным, насколько совершенным является животное, которое вы приносите в жертву. Это зависит от цвета и других вещей.
Лучший цвет, согласно мнению ученых – это белый цвет. Или в основном преобладает у этой овцы белый цвет. Не значит, что другого цвета нельзя, но лучше, если это будет белый цвет или преобладать будет белый цвет. Потому что Пророк (да благословит его Аллах и приветствует), он зарезал два барана белого цвета, или в них преобладал белый цвет.
Желательно, чтобы это животное было тучное, чтобы оно было красивое. Ан-Навави говорит, что единодушие ученых (иджма’а), что желательно, чтобы животное было тучное, полное.
А когда резать? Когда начинается резание?
Резание начинается после праздничного намаза, и не раньше.
Пророк (да благословит его Аллах и приветствует) говорит:
ومن ذبح قبل الصلاة فهي شاة لحم
«Кто зарезал до намаза, то это просто мясо». Хадис передали Муслим (1961) и аль-Бухари (5556).
То есть это просто овца для мяса, и не считается курбаном.
Когда можно резать? В какие дни? Срок резания – это первый день праздника, то есть десятый Зуль-Хиджа, и три дня после этого, которые называются «дни ташрика». Потому что говорит Пророк (да благословит его Аллах и приветствует):
وكلُّ أيامِ التشريقِ ذبحٌ
«Все дни ташрика — резание». Хадис передал ас-Суюты (6313).
То есть четыре дня – день праздника и еще три дня после этого. Но есть ученые из числа сподвижников, которые давали фетву, — день праздника и два дня после праздника. Было такое мнение у некоторых сподвижников, как Ибн ‘Аббас, Анас и другие.
Животное, которое ты приносишь в жертву, не должно иметь тех недостатков, из-за которых твой курбан станет недействительным. Что это за недостатки?
Пророк (да благословит его Аллах и приветствует) описал это в хадисе аль-Бараа. Пророк (да благословит его Аллах и приветствует назвал четыре недостатка. Если они есть в твоем животном, курбан недействителен. Такое резать в качестве курбана (удхия) нельзя.
Сказал Пророк (да благословит его Аллах и приветствует):
أربع لا تجوز في الأضاحي: العوراء البين عورها، والعرجاء البين ظلعها، والمريضة البين مرضها، والكبيرة التي لا تُنقي
«Четыре недостатка, которые не дозволены в жертвенном животном:
1. Овца, у которой поврежден глаз, когда это повреждение явное (то есть, если повреждение не явное, тогда ничего, если явное, тогда нельзя. Тем более, если это животное, которое ослепло на оба глаза);
2. Больное животное, чья болезнь явная;
3. Хромая овца, хромота которой явная (то есть она не просто немножко хромает, а когда идет со здоровыми овцами, отстает от них);
4. Животное истощенное, слабое, у которого уже нет костного мозга (то есть, такое старое, такое слабое животное, что у него уже просто костного мозга мало)». Хадис передали ат-Тирмизи (1497), ан-Насаи 4371), Ахмад (18675)
Вот эти четыре недостатка и те, которые хуже, чем эти четыре недостатка – если они есть в животном, курбан будет недействительным.
Как резать?
Во-первых, при резании по шариату должны быть перерезаны оба сосуда на шее с двух сторон, нужно перерезать пищевод и нужно перерезать дыхательные пути.
Дальше, при резании должна быть обязательное произнесение слов «бисмиЛлях». Желательно уложить животное в сторону киблы. Это мнение всех четырех мазхабов, и это передано от ‘Абдуллах ибн ‘Умара (да будет доволен ими обоими Аллах).
Уложить желательно на левый бок животное. Ан-Навави передает единодушное мнение ученых (иджма‘а) по этому поводу, что желательно уложить на левый бок животное.
Что говорится? Говорится БисмиЛлях. Аллаху Акбар! При чем бисмиЛлях – это обязательно.
Желательно добавить: Аллахумма минка уа ляк.
«О Аллах, от Тебя (Ты дал это) и для Тебя».
Также желательно добавить:
«Аллахумма такаббаль минни уа мимма удхиян».
«О Аллах, прими от меня и от тех, от кого я режу».
Как это передано от ‘Аиши (да будет доволен ею Аллах).
Дальше, о рабы Аллаха, заточите нож, потому что сказал Пророк:
«Пусть один из вас заточит нож и не мучает животное».
Обращу внимание ваше на две вещи!
1) Каждый недостаток, который есть в вашем жертвенном животном, уменьшает награду. Поэтому, чем лучше животное, тем выше награда.
2) Аль-удхия – это вид поклонения, он установлен для живых. Пророк (да благословит его Аллах и приветствует) резал от себя и от своей семьи, сподвижники резали от себя и от своей семьи. То есть он, в основе своей, не установлен для мертвых, от мертвых желательно давать садака. Если человек хочет что-то сделать для мертвого, то может дать за него садака.
Есть разница между садака (милостыней) и резанием животного ради Аллаха (пречист Он и возвышен)? Это другой вид поклонения.
Есть два резания за мертвых
Первое резание – когда человек режет за себя и за свою семью. Он не режет специально от мертвых, но он имеет намерение, что включается в награду и живые члены его семьи, и умершие тоже. В награду (аджр) включает умерших тоже. Как Пророк (да благословит его Аллах и приветствует) резал от себя и от своей семьи, резал от уммы Мухаммада (да благословит его Аллах и приветствует), куда входят живые и мертвые. Это дозволено, когда ты режешь от себя и от своей семьи, но подразумеваешь, что туда включаются и умершие тоже.
Второй вид — специально резать от имени умерших. Есть ученые, которые говорят, что это можно. Но, рабы Аллаха, это не Сунна! Не установлено это в Сунне Пророка (да благословит его Аллах и приветствует). Как некоторые люди режут за умершую мать или за отца, который умер или еще за кого-то. Говорят факихи, что это можно, но это не Сунна. Лучше так не делать. Потому что так не делал Пророк (да благословит его Аллах и приветствует).
У Пророка (да благословит его Аллах и приветствует) умер его дядя Хамза, любимый дядя, такой ценный для него. Он когда-то резал от его имени курбан? Нет. Дети умерли Пророка (да благословит его Аллах и приветствует) при его жизни, умерли три замужние дочери при его жизни. Хоть за одну из них он когда-то резал курбан? Нет. Умерли три сына Пророка (да благословит его Аллах и приветствует) при жизни его, за кого-то резал? Нет. Жена его, из самых любимых женщин для его, Хадиджа, Пророк (да благословит его Аллах и приветствует) резал за нее? Нет не резал. И это не передано ни от сподвижников, ни от кого, чтобы они делали это.
Установлено в Исламе, что человек режет за себя, за свою семью, и входят туда и мертвые тоже.
Мы просим Аллаха (пречист Он и возвышен), чтобы Он принял от нас наше поклонение. Остались считанные дни до праздника, и остался день ‘Арафа. О рабы Аллаха, не забывайте о посте в этот день, потому что награда за него велика. Просим Аллаха (пречист Он и возвышен) позволить нам жить на Таухиде и на Сунне и умереть в этом. И просим у Аллаха (пречист Он и возвышен) простить нам наши грехи.
═════════════════════════════════════════════════════════════════════════
Перевод хутбы на крымскотатарский
بسم الله الرحمن الرحيم
Къурбан: къыскъа анълатма.
Эй Аллахын къуллары! Бизлерни Аллаха якъынлаштыргъан эн буюк ве дегерли амеллерден бириси – бу Аллах ризасы ичюн айван соймакътыр. Бу амель не къадар дегерли олгъаныны сиз анъламанъыз ичюн, мен сизден сорайджам: «Вуджуд амеллерден эн буюк олгъаны насыл?». Бу намаз. Ойле исе, Аллах къурбан кесмекни намазнен бирде анъып кече ве дей:
فَصَلِّ لِرَبِّكَ وَانْحَرْ
«Шимди сен Раббинъе намаз къыл ве къурбан чал».
(«аль-Кавсар», 108:2)
Кесмек тюрлю шекильде ола билир: кесмек акъикъа ола билир, Хаджда кесмек ола билир, не вакъыт инсан хадий кесе.
Лякин кесмеклернинъ чешитлеринден – къайсы бири эн дегерлидир? Бу Аллахын изининен якъын арада япаджагъымыз, бу аль-удхия. Бу Къурбан байрам куньлери кесильген къурбанлыкъ айвандыр.
Ве инанынъыз, онынъ мукяфаты пек буюктир!
Онынъ мукяфаты пек буюк олгъаныны бизге не исбатлай? Пейгъамберимиз ﷺ эр вакъыт къурбан сойгъаны, мукяфаты буюк олгъаныны исбатлай. Анас (Аллах ондан разы олсун) ривает эткени киби, Пейгъамберимиз ﷺ бойнузлы, беяз тусте эки къочкъар сойгъан.
Чокъ инсанлар сорамакъта: «Къурбан мытлакъкъа союлмакъ керекми?».
СубханаЛлах! Эй Аллахын къуллары, мукяфаты буюк, тешвикъаты буюк, ве Пейгъамберимиз ﷺ буны япкъан.
Эгер сен тюбюне етмеге истесенъ, бу ваджиб яда ваджиб дегиль, ойле исе мен санъа айтайын, алимлер арасында бу меселе ичюн анълашмамазлыкъ бар. Базылары дейлер бу ваджиб. Базылары исе истенильген дейлер.
Эй Аллахын къулу, бу анълашмамазлыкъ олгъаны санъа бу амельни буюк олгъаныны корьсетмейми? Бир алим топлумы (ве бу фикир Аллахын изининен пек кучлю фикир) – буны ваджиб, деп саялар. Чареси олгъан инсан къурбан соймаса онынъ устюнде гунах. Чюнки хадисте айтылгъанки, Пейгъамберимиз ﷺ дей:
مَن كان له سَعَةٌ ولم يُضَحِّ ، فلا يَقْرَبَنَّ مُصَلَّانا
«Кимнинъ къурбан соймагъа имкяны бар исе, ве о оны япмай, ойле инсан бизим джамилеримизге якъынлашмасын».
Ахмад (8273), Ибн Маджа (2123) ве Альбани (6490).
Къурбан оларакъ не соймакъ мумкюн?
Тек мал (бахимат аль-ан‘ам). Малгъа не кире? Малгъа деве, сыгъыр (бугъа), юфакъ муюзлю мал (эчки ве къой). Сыгъыргъа манда кирсетмеге мумкюн, базы мемлекетлерде олар бар. Къалгъанлары исе къурбан чалынмаз. Тек бу дёрт тюрлю айван, чюнки Аллах Озь Китабында дей:
وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَى مَا رَزَقَهُم مِّن بَهِيمَةِ الْأَنْعَامِ
«Аллаhнынъ озьлерине рызыкъ оларакъ берген къурбанлыкъ айванлары узерине белли куньлерде Аллаhнынъ исмини анъсынлар».
(«аль-Хадж», 22:28).
Союладжакъ айванларны яшы не къадар олмакъ керек?
Пейгъамберимиз ﷺ тайын этти, — деве, сыгъыр ве эчки «сани» деген яшта олмакъ керектир; къой ичюн – бу «джаза‘а» деген яш олмакъ керек.
Пейгъамберимиз ﷺ деди:
لا تَذْبَحُوا إلَّا مُسِنَّةً، إلَّا أنْ يَعْسُرَ علَيْكُم، فَتَذْبَحُوا جَذَعَةً مِنَ الضَّأْنِ.
«Тек “мусимма” (сани) яшта олгъаныны союнъ. Эгер сиз ичюн сани тапылмасы агъыр исе, о заман джаза’а яшта олгъан къойны (къочкъарны) союнъыз».
Муслим (1963).
Бу не демек?
Къочкъарнынъ джаза’а яшы – бу алты айдыр. Яни къочкъар алты айлыкъ ве ондан азы олмайджакъ.
Сыгъырны алсакъ – бу эки айдин йыл олмакъ керек.
Девени алсакъ – бу беш айдин йыл олмакъ керек.
Эй Аллахын къуллары, билинъиз, къурбан ичюн мукяфат, о союладжакъ айваннынъ къияфетинен, кемалатынен багълыдыр. Бу айваннынъ тюсюнен ве башкъа шейлернен багълыдыр.
Алимлернинъ фикирине коре, эн гузель тюс – бу беяз тюстюр. Яда бу къойнынъ тюсю чокъусында беяз оладжакъ. Башкъа тюс олмай демеймиз, амма беяз олса яда чокъ ери беяз олса, даан гузельдир. Чюнки Пейгъамберимиз ﷺ , эки къочкъар сойгъан ве олар беяз яда беязы чокъ олгъан.
Айван семиз ве дюльбер оладжакъ. Ан-Навави дей, айваннынъ семиз ве дюльбер олмасы, бу алимлернинъ фикиридир, иджмадыр.
Не вакъыт соймакъ мумкюн? Соймакъ не вакъыт башланыр?
Соймакъ тек байрам намазындан сон башланыр, ондан эрте дегиль. Пейгъамберимиз ﷺ дей:
ومن ذبح قبل الصلاة فهي شاة لحم
«Ким намаздан эввель сойса, бу адий эттир».
Муслим (1961) ве аль-Бухари (5556).
Яни бу къой тек эт ичюндир, бу къурбан сайылмаз.
Не вакъыт соймакъ мумкюн? Къайсы куньлерде? Соймакънынъ муддети – бу байрамнынъ биринджи куню, яни онунджы Зуль-Хиджа, ве «таширк куньлери» адлангъан учь кунь девамында. Чюнки Пейгъамберимиз ﷺ дей:
وكلُّ أيامِ التشريقِ ذبحٌ
«Ташрикнынъ бутюн куньлери – бу кесмектир».
ас-Суюты (6313).
Яни дёрт кунь – байрам куню ве онынъ артындан даан учь кунь. Амма сахабелернинъ сыраларындан алимлер бар, олар, — байрам куню ве ондан сон даан эки кунь соймакъ мумкюн, деп фетве бергенлер. Бойле фикирлер Ибн ‘Аббаста, Анаста ве башкъаларында олгъан.
Къурбан союладжакъ айванда, оны къурбан шекилинден чыкъараджакъ етишмемезликлер олмайджакъ. Бу насыл етишмемезликлер?
Пейгъамберимиз ﷺ аль-Барра хадисинде эписини тариф этти. Пейгъамберимиз ﷺ дёрт етишмемезлик акъкъында айты. Эгер булар айванынъда олса, сенинъ къурбанынъ керчек олмайджакъ. Бойле айван къурбан ичюн союлмаз.
Пейгъамберимиз ﷺ деди:
أربع لا تجوز في الأضاحي: العوراء البين عورها، والعرجاء البين ظلعها، والمريضة البين مرضها، والكبيرة التي لا تُنقي
«Дёрт етишмемезлик къурбан айванда олмамакъ керек:
- Козю сакъат олгъан айван, не заман бу сакъатлыкъ ачыкъ (яни сакъатлыгъы корюнмесе мумкюндир, эгер исе корюнсе, о заман мумкюн дегиль, даан зияде бу къой эки козьге корь олса)».
- Къаста айван, ве онынъ къасталыгъы айныкъ корюне.
- Топал къой, ве онынъ топаллыгъы айныкъ (яни азачыкъ топалламай, не вакъыт дурус къойлар сюрюсиндет артта къала).
- Фарыгъан, зайиф, кемик мийи къалмагъан айван (яни о къадар къарт, о къадар зайиф айван, энди онынъ кемик мийи къалмады).»
ат-Тирмизи (1497), ан-Насаи 4371), Ахмад (18675)
Бу дёрт етишмемезлик, ве ондан даан беттер олгъан етишмемезликлер – эгер олар айванда бар исе, къурбан керчек олмаз.
Насыл соймакъ керек?
Биринджиден, шариат боюнджа союлгъанда, бойнунда эки дамары кесильмек керек, аш ве нефес ёллары кесильмек керек.
Союлгъанда, мытлакъкъа «бисмиЛлях» айтылмасы керек. Айванны къибле тарафына яттырмасы хош корюнир. Бу дёрт мезхеб имамларнынъ фикири, ве бу ‘Абдуллах ибн ‘Умардан (Аллах ондан разы олсун) ривает этильген.
Айванны сол тарафына яткъызмалыдыр. Ан-Навави, айваннынъ сол тарафына яткъызмасы алимлернинъ бир фикири (иджма’а) олгъаныны, бизлерге ривает эте .
Не айтмакъ керек? БисмиЛлях. Аллаху Акбар!, — айтмакъ керек. БисмиЛлях – бу мутлакътыр.
Аллахумма минка уа ляк, — къошулса, даан гузельдир.
«Аллахым, Сенден (Сен буны бердинъ) ве Сенинъ ичюн».
Даан къошмакъ мумкюн:
«Аллахумма такъаббаль минни уа мимма удхиян».
«Аллахым, менден ве меннен берабер сойгъанларымдан къабул эт». Бу ‘Аиша анамыздан (Аллах ондан разы олсун) ривает этильген.
Девамында, эй Аллахын къуллары, пычагъынъызны къайранъыз, чюнки Пейгъамберимиз ﷺ деди:
«Аранъызда олгъан, пычагъыны къайрасын ве айванны къыйнамасын».
Дикъкъатынъызны даан эки шейге джельп этмеге истейим!
- Къурбан айванында олгъан эр бир этишмемезлик, мукяфатны азлаштыра. Онынъ ичюн, айван не къадар гузель олса, мукяфат о къадар буюк олур.
- Аль-удхия – бу ибадетлернинъ чешитиндендир, о тирилер ичюн тайын этильгендир. Пейгъамберимиз ﷺ озюнден ве аилесинден кескен, сахабелер озьлеринден ве аилелеринден кескенлер. Яни о озь темелинде, олюлер ичюн тайын этильмеген, олюлер ичюн садакъа берильмеси даан гузельдир. Эгер инсан олю ичюн бир шей япмагъа истесе, о олю ичюн садакъа берсин.
Садакъанен, Аллах ризасы ичюн къурбан кесмек арасында феркъ бармы? Бу ибадетни башкъа чешитидир.
Олюлер ичюн эки тюрлю кесмек бар.
Биринджи кесмек – бу не вакъыт инсан озю ичюн ве аилеси ичюн кесе. О аселет олюлер ичюн кесмей, амма онынъ ниетинде эм тири аиле сакинлери эмде ольген аиле сакинлери бар. Мукяфатына олюлерниде къоша. Насыл Пейгъамберимиз ﷺ озюнден ве озь аилесинден, Мухаммадны ﷺ умметинден кескен, анда эм тирилер эм ольгенлер кире. Бунъа, не заман сен озюнъден ве аиленъден ве оларгъа олюлерниде къошып кесмекте изин берильгендир.
Экинджи чешит – макъсус олюлернинъ адындан соймакъ. Ойле алимлер бар, буны джаиз дейлер. Амма, эй Аллахын къуллары, бу Суннет дегиль! Бу Пейгъамберимизни ﷺ Суннетинде тайын этильмеген. Насыл, базы инсанлар ольген анасы яда бабасы ичюн яда даан бир кимсе ичюн къурбан кеселер. Факихлер буны джаиз дейлер, амма бу Суннет дегиль. Бойле япмамасы даан гузельдир. Чюнки Пейгъамберимиз ﷺ буны япмагъан.
Пейгъамберимизни ﷺ о къадар къыйметли олгъан, севимли эмджеси Хамза кечинди.
Пейгъамберимиз ﷺ эмджесининъ адындан бир вакъыт къурбан чалдымы аджеба? Ёкъ. Пейгъамберимизни ﷺ тири заманында эвлядлары вефат эттилер, эвли олгъан учь къызы вефат этти. Ич бири ичюн Пейгъамберимиз ﷺ къурбан сойдымы? Ёкъ. Пейгъамберимиз ﷺ тири олгъанда учь огълу вефат этти, Пейгъамберимиз ﷺ олар ичюн къурбан чалдымы? Ёкъ. Эн севимли апайы Хадиджа ичюн Пейгъамберимиз ﷺ къурбан сойдымы? Ёкъ, соймады. Ве бу не сахабелерден неде башкъа бир кимседен ривает этильмеген.
Ислямда тайын этильген, инсан озю ичюн, озь аилеси ичюн къурбан соя билир, ве бу аилеге эм де тирилер эмде ольгенлер кире билир.
Юдже Аллаха бизим ибадетлеримизни къабул этмесини ялварамыз. Байрамгъа сайылгъан куньлер къалды, ве Арефе куню къалды. Эй Аллахын къуллары Арефе кунюнинъ оразасы акъкъында утутманъыз, чюнки онынъ мукяфаты пек буюктир. Аллах бизге Таухиднен яшамакъны ве Суннетте джан бермекни насиб этсин. Ве Юдже Аллахтан гунахларымызны афу этмесини сораймыз.
═════════════════════════════════════════════════════════════════════════
بسم الله الرحمن الرحيم
Qurban: qısqa añlatma.
Ey Allahın qulları! Bizlerni Allaha yaqınlaştırğan en büyük ve degerli amellerden birisi – bu Allah rizası içün ayvan soymaqtır. Bu amel ne qadar degerli olğanını siz añlamañız içün, men sizden soraycam: «Vucud amellerden en büyük olğanı nasıl?». Bu namaz. Öyle ise, Allah qurban kesmekni namaznen birde añıp keçe ve dey:
فَصَلِّ لِرَبِّكَ وَانْحَرْ
«Şimdi sen Rabbiñe namaz qıl ve qurban çal».
(«al-Kavsar», 108:2)
Kesmek türlü şekilde ola bilir: kesmek aqiqa ola bilir, Hacda kesmek ola bilir, ne vaqıt insan hadiy kese.
Lâkin kesmeklerniñ çeşitlerinden – qaysı biri en degerlidir? Bu Allahın izininen yaqın arada yapacağımız, bu al-üdhiya. Bu Qurban bayram künleri kesilgen qurbanlıq ayvandır.
Ve inanıñız, onıñ mukâfatı pek büyüktir!
Onıñ mukâfatı pek büyük olğanını bizge ne isbatlay? Peyğamberimiz ﷺ er vaqıt qurban soyğanı, mukâfatı büyük olğanını isbatlay. Anas (Allah ondan razı olsun) rivayet etkeni kibi, Peyğamberimiz ﷺ boynuzlı, beyaz tuste eki qoçqar soyğan.
Çoq insanlar soramaqta: «Qurban mıtlaqqa soyulmaq kerekmi?».
SubhanaLlah! Ey Allahın qulları, mukâfatı büyük, teşviqatı büyük, ve Peyğamberimiz ﷺ bunı yapqan.
Eger sen tübüne yetmege isteseñ, bu vacib yada vacib degil, öyle ise men saña aytayın, alimler arasında bu mesele içün añlaşmamazlıq bar. Bazıları deyler bu vacib. Bazıları ise istenilgen deyler.
Ey Allahın qulu, bu añlaşmamazlıq olğanı saña bu amelni büyük olğanını körsetmeymi? Bir alim toplumı (ve bu fikir Allahın izininen pek küçlü fikir) – bunı vacib, dep sayalar. Çaresi olğan insan qurban soymasa onıñ üstünde günah. Çünki hadiste aytılğanki, Peyğamberimiz ﷺ dey:
مَن كان له سَعَةٌ ولم يُضَحِّ ، فلا يَقْرَبَنَّ مُصَلَّانا
«Kimniñ qurban soymağa imkânı bar ise, ve o onı yapmay, öyle insan bizim camilerimizge yaqınlaşmasın».
Ahmad (8273), İbn Maca (2123) ve Albani (6490).
Qurban olaraq ne soymaq mümkün?
Tek mal (bahimat al-an‘am). Malğa ne kire? Malğa deve, sığır (buğa), yufaq müyüzlü mal (eçki ve qoy). Sığırğa manda kirsetmege mümkün, bazı memleketlerde olar bar. Qalğanları ise qurban çalınmaz. Tek bu dört türlü ayvan, çünki Allah Öz Kitabında dey:
وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَى مَا رَزَقَهُم مِّن بَهِيمَةِ الْأَنْعَامِ
«Allahnıñ özlerine rızıq olaraq bergen qurbanlıq ayvanları üzerine belli künlerde Allahnıñ ismini añsınlar».
(«al-Hac», 22:28).
Soyulacaq ayvanlarnı yaşı ne qadar olmaq kerek?
Peyğamberimiz ﷺ tayın etti, — deve, sığır ve eçki «sani» degen yaşta olmaq kerektir; qoy içün – bu «caza‘a» degen yaş olmaq kerek.
Peyğamberimiz ﷺ dedi:
لا تَذْبَحُوا إلَّا مُسِنَّةً، إلَّا أنْ يَعْسُرَ علَيْكُم، فَتَذْبَحُوا جَذَعَةً مِنَ الضَّأْنِ.
«Tek “musimma” (sani) yaşta olğanını soyuñ. Eger siz içün sani tapılması ağır ise, o zaman caza’a yaşta olğan qoynı (qoçqarnı) soyuñız».
Müslim (1963).
Bu ne demek?
Qoçqarnıñ caza’a yaşı – bu altı aydır. Yani qoçqar altı aylıq ve ondan azı olmaycaq.
Sığırnı alsaq – bu eki aydin yıl olmaq kerek.
Deveni alsaq – bu beş aydin yıl olmaq kerek.
Ey Allahın qulları, biliñiz, qurban içün mukâfat, o soyulacaq ayvannıñ qiyafetinen, kemalatınen bağlıdır. Bu ayvannıñ tüsünen ve başqa şeylernen bağlıdır.
Alimlerniñ fikirine köre, en güzel tüs – bu beyaz tüstür. Yada bu qoynıñ tüsü çoqusında beyaz olacaq. Başqa tüs olmay demeymiz, amma beyaz olsa yada çoq yeri beyaz olsa, daan güzeldir. Çünki Peyğamberimiz ﷺ , eki qoçqar soyğan ve olar beyaz yada beyazı çoq olğan.
Ayvan semiz ve dülber olacaq. An-Navavi dey, ayvannıñ semiz ve dülber olması, bu alimlerniñ fikiridir, icmadır.
Ne vaqıt soymaq mümkün? Soymaq ne vaqıt başlanır?
Soymaq tek bayram namazından son başlanır, ondan erte degil. Peyğamberimiz ﷺ dey:
ومن ذبح قبل الصلاة فهي شاة لحم
«Kim namazdan evvel soysa, bu adiy ettir».
Müslim (1961) ve al-Buhari (5556).
Yani bu qoy tek et içündir, bu qurban sayılmaz.
Ne vaqıt soymaq mümkün? Qaysı künlerde? Soymaqnıñ müddeti – bu bayramnıñ birinci künü, yani onuncı Zul-Hica, ve «taşirk künleri» adlanğan üç kün devamında. Çünki Peyğamberimiz ﷺ dey:
وكلُّ أيامِ التشريقِ ذبحٌ
«Taşriknıñ bütün künleri – bu kesmektir».
as-Suyutı (6313).
Yani dört kün – bayram künü ve onıñ artından daan üç kün. Amma sahabelerniñ sıralarından alimler bar, olar, — bayram künü ve ondan son daan eki kün soymaq mümkün, dep fetve bergenler. Böyle fikirler İbn ‘Abbasta, Anasta ve başqalarında olğan.
Qurban soyulacaq ayvanda, onı qurban şekilinden çıqaracaq yetişmemezlikler olmaycaq. Bu nasıl yetişmemezlikler?
Peyğamberimiz ﷺ al-Barra hadisinde episini tarif etti. Peyğamberimiz ﷺ dört yetişmemezlik aqqında aytı. Eger bular ayvanıñda olsa, seniñ qurbanıñ kerçek olmaycaq. Böyle ayvan qurban içün soyulmaz.
Peyğamberimiz ﷺ dedi:
أربع لا تجوز في الأضاحي: العوراء البين عورها، والعرجاء البين ظلعها، والمريضة البين مرضها، والكبيرة التي لا تُنقي
«Dört yetişmemezlik qurban ayvanda olmamaq kerek:
1. Közü saqat olğan ayvan, ne zaman bu saqatlıq açıq (yani saqatlığı körünmese mümkündir, eger ise körünse, o zaman mümkün degil, daan ziyade bu qoy eki közge kör olsa)».
2. Qasta ayvan, ve onıñ qastalığı aynıq körüne.
3. Topal qoy, ve onıñ topallığı aynıq (yani azaçıq topallamay, ne vaqıt durus qoylar sürüsindet artta qala).
4. Farığan, zayif, kemik miyi qalmağan ayvan (yani o qadar qart, o qadar zayif ayvan, endi onıñ kemik miyi qalmadı).»
at-Tirmizi (1497), an-Nasai 4371), Ahmad (18675)
Bu dört yetişmemezlik, ve ondan daan better olğan yetişmemezlikler – eger olar ayvanda bar ise, qurban kerçek olmaz.
Nasıl soymaq kerek?
Birinciden, şariat boyunca soyulğanda, boynunda eki damarı kesilmek kerek, aş ve nefes yolları kesilmek kerek.
Soyulğanda, mıtlaqqa «bismiLlâh» aytılması kerek. Ayvannı qible tarafına yattırması hoş körünir. Bu dört mezheb imamlarnıñ fikiri, ve bu ‘Abdullah ibn ‘Umardan (Allah ondan razı olsun) rivayet etilgen.
Ayvannı sol tarafına yatqızmalıdır. An-Navavi, ayvannıñ sol tarafına yatqızması alimlerniñ bir fikiri (icma’a) olğanını, bizlerge rivayet ete .
Ne aytmaq kerek? BismiLlâh. Allahu Akbar!, — aytmaq kerek. BismiLlâh – bu mutlaqtır.
Allahumma minka ua lâk, — qoşulsa, daan güzeldir.
«Allahım, Senden (Sen bunı berdiñ) ve Seniñ içün».
Daan qoşmaq mümkün:
«Allahumma taqabbal minni ua mimma üdhiyan».
«Allahım, menden ve mennen beraber soyğanlarımdan qabul et». Bu ‘Aişa anamızdan (Allah ondan razı olsun) rivayet etilgen.
Devamında, ey Allahın qulları, pıçağıñıznı qayrañız, çünki Peyğamberimiz ﷺ dedi:
«Arañızda olğan, pıçağını qayrasın ve ayvannı qıynamasın».
Diqqatıñıznı daan eki şeyge celp etmege isteyim!
1) Qurban ayvanında olğan er bir etişmemezlik, mukâfatnı azlaştıra. Onıñ içün, ayvan ne qadar güzel olsa, mukâfat o qadar büyük olur.
2) Al-üdhiya – bu ibadetlerniñ çeşitindendir, o tiriler içün tayın etilgendir. Peyğamberimiz ﷺ özünden ve ailesinden kesken, sahabeler özlerinden ve ailelerinden keskenler. Yani o öz temelinde, ölüler içün tayın etilmegen, ölüler içün sadaqa berilmesi daan güzeldir. Eger insan ölü içün bir şey yapmağa istese, o ölü içün sadaqa bersin.
Sadaqanen, Allah rizası içün qurban kesmek arasında ferq barmı? Bu ibadetni başqa çeşitidir.
Ölüler içün eki türlü kesmek bar.
Birinci kesmek – bu ne vaqıt insan özü içün ve ailesi içün kese. O aselet ölüler içün kesmey, amma onıñ niyetinde em tiri aile sakinleri emde ölgen aile sakinleri bar. Mukâfatına ölülernide qoşa. Nasıl Peyğamberimiz ﷺ özünden ve öz ailesinden, Muhammadnı ﷺ ümmetinden kesken, anda em tiriler em ölgenler kire. Buña, ne zaman sen özüñden ve aileñden ve olarğa ölülernide qoşıp kesmekte izin berilgendir.
Ekinci çeşit – maqsus ölülerniñ adından soymaq. Öyle alimler bar, bunı caiz deyler. Amma, ey Allahın qulları, bu Sunnet degil! Bu Peyğamberimizni ﷺ Sunnetinde tayın etilmegen. Nasıl, bazı insanlar ölgen anası yada babası içün yada daan bir kimse içün qurban keseler. Fakihler bunı caiz deyler, amma bu Sunnet degil. Böyle yapmaması daan güzeldir. Çünki Peyğamberimiz ﷺ bunı yapmağan.
Peyğamberimizni ﷺ o qadar qıymetli olğan, sevimli emcesi Hamza keçindi.
Peyğamberimiz ﷺ emcesiniñ adından bir vaqıt qurban çaldımı aceba? Yoq. Peyğamberimizni ﷺ tiri zamanında evlâdları vefat ettiler, evli olğan üç qızı vefat etti. İç biri içün Peyğamberimiz ﷺ qurban soydımı? Yoq. Peyğamberimiz ﷺ tiri olğanda üç oğlu vefat etti, Peyğamberimiz ﷺ olar içün qurban çaldımı? Yoq. En sevimli apayı Hadica içün Peyğamberimiz ﷺ qurban soydımı? Yoq, soymadı. Ve bu ne sahabelerden nede başqa bir kimseden rivayet etilmegen.
İslâmda tayın etilgen, insan özü içün, öz ailesi içün qurban soya bilir, ve bu ailege em de tiriler emde ölgenler kire bilir.
Yüce Allaha bizim ibadetlerimizni qabul etmesini yalvaramız. Bayramğa sayılğan künler qaldı, ve Arefe künü qaldı. Ey Allahın qulları Arefe kününiñ orazası aqqında ututmañız, çünki onıñ mukâfatı pek büyüktir. Allah bizge Tauhidnen yaşamaqnı ve Sunnette can bermekni nasib etsin. Ve Yüce Allahtan günahlarımıznı afu etmesini soraymız.
